ಕಣ್ತೆರೆದು ನೋಡು

ಭಾವಯಾನದಲಿ ಕರಿ‌ಮೋಡಗಳ‌ ಸಂಘರ್ಷ..  ಸಿಟ್ಟ ಸುಡಲು‌ ಸೀಳಿ ಬರುತಿದೆ ಜ್ವಾಲೆಯ ನಿಷ್ಕರ್ಷ.. ಬಿರಿವ ಸಿಡಿಲಿನ ಹೊಡೆತಕೆ ಅಂಜುವುದೆ ಆಕಾಶ.. ಮತ್ತದೆ ನಿಶ್ಚಲತೆಗೆ ಮುಖವೊಡ್ಡಲಿಹುದು ಅವಕಾಶ.. ಹರಿವ‌ ನೀರೊಳಗೆ ಹರಿದು ತೇಲುವ ಬದುಕು.. ನಾಳೆ ಏನಿಹುದೊ‌; ನಿನ್ನೆ ಯಾರದೋ; ಪ್ರಶ್ನೆಗಳ ಸರಕು.. ಇಂದು ಕಾಡುತಿದೆ ನಿನ್ನೆ ಕಳೆದವರ ನೆನಪುಗಳ ಮೆಲುಕು.. ಕಳೆದು ಪಡೆದುದರ ಲಾಭ ನಷ್ಟಗಳ‌ ಇಲ್ಲೆ ಹುಡುಕು... ನಿಂತ ನೆಲದೊಳಗಿನ ಕುದಿಯಲ್ಲಿ ಕರಗದು ಇಬ್ಬನಿ.. ಜಗದ ಸೃಷ್ಟಿಯ ಮಾಯೆಯೇ ಎಲ್ಲೆಡೆ ಮಾರ್ದನಿ.. ನಗುವ ಹರಡುತ್ತ ಈ ನಾಲ್ಕು ದಿನದಲ್ಲಿ ಸಾಗು ನೀ.. ಸುಡುವ ಸೂರ್ಯಕಾಂತಿಗಿದೆ ಸಂಜೆ ತಂಪೆರೆವ ಗುಣ.. ಜಡಿಮಳೆಯೂ ಸೋನೆ ಸೂಸಿ‌ ನೀಡುವಳು ಔತಣ.. ಕಾಲನ ಮುಂದೆ ಎಲ್ಲರ ಆಟಗಳೂ ಗೌಣ.. ಎಲ್ಲ ಆಡಿಸುತಿಹನು ಬಂದು ಹೋಗೋ ಕಾಂಚಾಣ..                                                                                                      - ಭಾವವಾಹಿನಿ